Ózbekstan Respublikası Kámbaǵallıqtı qısqartıw hám bántlik ministriniń orınbasarı M.Jurayev Bozataw rayonındaǵı isbilermenler menen ushırastı

2026-02-02

Bolıp ótken ushırasıwǵa  Qaraqalpaqstan Respublikası Kámbaǵallıqtı qısqartıw hám bántlik ministri O.Kazakbayev, rayon hákimi B.Ubbiniyazov, rayon aymaǵındaǵı isbilermenlik subyektleri hám máhálle jetiligi qatnastı.

Ushırasıwda Húrmetli Prezidentimiz tárepinen isbilermenlerdi qollap-quwatlaw baǵdarında shıǵarılıp atırǵan párman hám qararlardıń mazmun-mánisi, onda berilip atırǵan imkaniyatlar, salıq hám bajıxana jeńillikleri, sonday-aq, isbilermenlikti qollap-quwatlaw boyınsha ámelge asırılıp atırǵan reformalarǵa ayrıqsha toqtap ótildi.

Sonday-aq, ushırasıw dawamında isbilermenler menen sáwbetlesiwler ótkerilip, olardıń pikir-usınısları  hám mashqalaları hár tárepleme úyrenildi.

Olardı sheshiw boyınsha juwapker shólkemlerdiń basshılarına tiyisli tapsırmalar berildi.