Татарстан-Қарақалпақстан: Мийнет базарында бирге ислесиў

2024-07-26

Сапар даўамында Министр Қ.Азербаев ҳәм Д.Шынназаровлар Татарстан Республикасы Мийнет, бәнтлик ҳәм социаллық қорғаў министриниң орынбасары Тазетдинова Клара Алексеевна менен өз-ара сөйлесиўлер алып барды. Атап өтилгениндей, бул ушырасыў Қарақалпақстан Республикасы Жоқарғы Кеңеси Баслығы А.Орынбаевтың аймаққа сапары даўамында Татарстан басшысы менен өз-ара келисимлердиң даўамы болып табылады. Сөйлесиўлер даўамында Татарстан ҳәм Қарақалпақстан Республикаларының мийнет базары, өндирис ҳәм жумысшы күшине болған талаплары үйренилип, келесиде бул бағдарда бирге ислесиў бойынша меморандумға қол қойылды.