Қарақалпақстан Республикасы Кәмбағаллықты қысқартыў ҳәм бәнтлик министрлиги тәрепинен «Пуқараларды жумыс пенен бәнт етиў бойынша алып барылып атырған жумыслар ҳәм «Кәмбағаллықтан абаданлыққа қарай» бағдарламасы тийкарында ислениўи лазым болған жумыслар» бойынша Ашық сәўбет болып ѳтти.

2024-11-28

Ушырасыўды Қарақалпақстан Республикасы Кәмбағаллықты қысқартыў ҳәм бәнтлик министри Қ.Азербаев ашып берди.

Илажға республика аймағындағы журналист-блогерлер ҳәм де министрликтиӊ қәнигелери қатнасты.

Дәслеп, Қарақалпақстан Республикасы Кәмбағаллықты қыскартыў ҳәм бәнтлик министрлиги тәрепинен алып барылып атырған жумыслар бойынша илаж қатнасыўшыларына түсиник берилди.

 Сондай-ақ, тараўда болып атырған жаӊаланыў ҳәм де ѳзгерислер бойынша атап ѳтилди.

Илаж барысында ғалаба хабар қураллары ўәкиллери қызықтырған сораўларына министр Қ.Азербаев тәрепинен жуўап алды.

Сәўбет тәризинде шѳлкемлестирилген бул ушырасыўға қатнасыўшылардыӊ пикир-усыныслары тыӊланып мәлимлеме тараўында буннан былайда бирге ислесиў, пуқараларды жумыс пенен бәнт етиўде сондай-ақ, кәмбағаллықты қысқартыўда алып барылып атырған жумысларды еледе кеӊ ен жайдырыў бойынша келисип алынды.