Jaslar menen pikirlesiw - ámeliy nátiyjege xızmet etedi

2025-04-21

Qaraqalpaqstan Respublikası Kámbaǵallıqtı qısqartıw hám bántlik ministri Q.Azerbaev Nókis qalasındaǵı "Jipek jolı" mákan puqaralar jıyınında ózine biriktirilgen jaslar hám olardıń ata-anaları menen ushırastı.

Ushırasıwda jaslarǵa jaratılıp atırǵan imkaniyatlar, kásip-óner úyreniw, bántlik máseleleri boyınsha hár tárepleme sáwbet bolıp ótti. Jaslar ózlerin qızıqtırǵan sorawlar menen múrájat etip, usınıs hám baslamaların bildirdi.

Ushırasıwdan gózlengen tiykarǵı maqset - jaslardıń qızıǵıwshılıqları menen tileklerin esapqa alǵan halda olardı qollap-quwatlaw, turmısta óz ornın tabıwǵa járdemlesiwden ibarat.

Házirgi waqıtta 2 jastı óz qániygeligi boyınsha jumısqa jaylastırıw ilajları alıp barılmaqta.