Kórgizbeli seminar bolıp ótti

2025-04-28

Búgin Kegeyli rayonı "Júzimbaǵ" awıl puqaralar jıyınında xalıqtıń qıytaq jer hám ijara jerlerinen nátiyjeli paydalanıw arqalı dáramatın arttırıw hám shańaraqlıq bántlikti támiyinlew máselelerine baǵıshlanǵan kórgizbeli seminar bolıp ótti.

 Seminarǵa Qaraqalpaqstan Respublikası Ministrler Keńesi Baslıǵınıń birinshi orınbasarı N.Erlepesov, Qaraqalpaqstan Respublikası Kámbaǵallıqtı qısqartıw hám bántlik ministri Q.Azerbaev, Ózbekstan Máhálleleri awqamı Qaraqalpaqstan Respublikası basqarmasınıń baslıǵı S.Turmanov, rayon hákimi A.Kamalov hámde máhálle belsendileri qatnastı.

 Seminar aymaqtaǵı belsendi puqaralardan biri - D.Ibatovtıń shańaraǵında shólkemlestirildi. Ol óziniń tájiriybesi arqalı qatnasıwshılarǵa qıytaq jerden aqılǵa uǵras paydalanıw nátiyjesinde qalay turaqlı dáramat hám turaqlı bántlikti jaratıw múmkin ekenligin ámeliy mısalda kórsetti.

 Seminarda qıytaq jerden nátiyjeli paydalanıw, miynet ónimdarlıǵın arttırıw hám shańaraqlıq isbilermenlikti rawajlandırıw boyınsha usınıslar berildi.

 Atap ótiw lazım, bunday baslamalar xalıqtıń turmıs dárejesin arttırıw, eń shetki  aymaqlarda ekonomikalıq belsendilikti kúsheytiw hám isbilermenlikti rawajlandırıwda úlken áhmiyetke iye.