Ózbekstan Respublikası Sawda-sanaat palatasınıń Qaraqalpaqstan Respublikası basqarmasında Qaraqalpaqstan Respublikası Kámbaǵallıqtı qısqartıw hám bántlik ministriniń birinshi orınbasarı A.Qayratdinov Nókis qalasındaǵı hákim járdemshileri hám jumıs alıp barıp atırǵan isbilermenler menen ushırastı.

2025-05-15

Ushırasıwda Ózbekstan Respublikası Kámbaǵallıqtı qısqartıw hám bántlik ministrliginiń Qánigelesiwdi keńeytiw hám jetekshi isbilermenler menen islesiw bóliminiń baslıǵı F.Abdullazov hám Oraylıq banktiń Qaraqalpaqstan Respublikası Bas basqarması baslıǵınıń orınbasarı J.Artikovlar qatnasıp, isbilermenlik jumısına tosqınlıq etip atırǵan mashqalalar dodalandı hám isbilermenlerdiń múrájatları tıńlanıp, olardı saplastırıw boyınsha hákim járdemshilerine tiyisli tapsırmalar berildi.

Sonday-aq, hákim járdemshileri tárepinen isbilermenlikti rawajlandırıw, jańa jumıs orınların jaratıw, jergilikli óndiristi qollap-quwatlaw hám ekonomikalıq belsendilikti arttırıw boyınsha ámelge asırılǵan jumıslar haqqında maǵlıwmat berildi. Sonıń ishinde, biznes baslamaların qollap-quwatlaw, investiciyalardı tartıw, salıq jeńilliklerin beriw hám kishi kárxanalardı finanslıq qollap-quwatlaw boyınsha kórilgen ilajlar dodalandı.