Ájiniyaz atındaǵı Nókis mámleketlik pedagogikalıq institutında pitkeriwshilerdiń bántligin támiyinlew máselelerine arnalǵan ushırasıw hám ashıq sáwbetlesiw bolıp ótti.

2025-06-05

Ushırasıwda studentlerge miynet nızamshılıǵı haqqında túsinikler beriw, miynet bazarında sáykes vakanciyalardı izlew kónlikpelerin payda etiw, jumısqa ornalasıw ushın hújjetlerdi tayarlaw hám jumıs beriwshiler menen sáwbetlesiw usılların úyretiw, jumıs beriwshiler ushın institutta tayarlanıp atırǵan kadrlar potencialın tanıstırıw, oqıp atırǵan hám pitkeriwshi kurs studentleriniń bántligin támiyinlewge kómeklesiw baǵdarında ámelge asırılıp atırǵan jumıslar haqqında maǵlıwmatlar  berildi.

  Sonday-aq, pitkeriwshi jaslardıń mámleketimizdiń ilim, bilimlendiriw, ekonomika hám óndirislik tarmaqlarda, isbilermenlik tarawlarında óz ornına iye bolıwı, jumıs penen támiyinleniwine járdemlesiw baslı maqsetlerimizdiń biri ekenligi atap ótildi.

 

  Ilajda Qaraqalpaqstan Respublikası Kámbaǵallıqtı qısqartıw hám bántlik ministrliginiń qánigesi Salamat Erimbetov, instituttıń ilimiy isler hám innovaciyalar boyınsha prorektorı wazıypasın waqıtsha atqarıwshısı Polatbek Kalxanovlar elimizde jaslardıń bántligin támiyinlew, olardıń qosımsha kásip-óner sırların úyreniwi, óz isbilermenligin jolǵa qoyıwı ushın jaratılıp atırǵan sharayatlar tuwralı maǵlıwmatlar berdi.

 

  Atap ótiw kerek, bıyılǵı oqıw jılında Nókis mámleketlik pedagogikalıq institutında bakalavriattıń kúndizgi tálim baǵdarları boyınsha 2 mıń 100, sırtqı tálim baǵdarları boyınsha 2 mıń 181 student, al magistratura qánigelikleri boyınsha 144 magistrant pitkerip shıǵıwı kútilmekte.