.Ózbekstan Respublikası Sawda-sanaat palatasınıń Qaraqalpaqstan Respublikası basqarmasında respublika aymaǵındaǵı jumıs penen bánt bolmaǵan puqaralar ushın bos jumıs orınları miynet yarmarkası ótkerildi.

2024-12-19

✔️Oǵan Qaraqalpaqstan Respublikası Prokuraturasınıń bólim prokurorı G.Begjanova hám Qaraqalpaqstan Respublikası Kámbaǵallıqtı qısqartıw hám bántlik ministriniń birinshi orınbasarı N.Nurjanov, respublika aymaǵındaǵı mákeme-kárxana hám isbilermenlik subektleri wákilleri qatnastı.

🖇 Ilajǵa respublika aymaǵındaǵı 870 mákeme-kárxanalar ózlerinde bar bolǵan 2 780 bos jumıs orınları menen qatnastı.

💠  O'tkerilgen bos jumıs orınları miynet yarmarkasına 180 puqaralar sonnan 64 imkániyatı sheklengen puqaralardıń qatnasıwı támiyinlendi.

Yarmarka nátiyjesinde 81 puqaraǵa sonnan 30 imkániyatı sheklengen puqaralarǵa jumısqa jaylasıwı ushın jollamalar berilip, olardan 60 puqara ushın sonnan 25 imkániyatı sheklengen puqaralar turaqlı jumısqa jaylastırıldı.

26 puqaraǵa sonnan 12 imkániyatı sheklengen puqaralarǵa kásipke qayta tayarlaw ushın jollama berildi 1 puqara subsidiya tiykarında bántligi támiyinlewge jiberildi sonday-aq, puqaralarǵa miynet múnásibetleri boyınsha huqıqıy másláhát berildi.

Maǵlıwmat ornında atap ótiw lazım, Qaraqalpaqstan Respublikası Kámbaǵallıqtı qısqartıw hám bántlik ministrligi tárepinen 2024-jıl basınan usı kúnge shekem 269 márte bos jumıs orınları miynet yarmarkasın shólkemlestirilgen bolıp, bul ótkerilgen miynet yarmarkalarına respublika aymaǵındaǵı 5377 mákeme-kárxana, isbilermenlik subektleri 15 499  bos jumıs orınları menen qatnasqan.

Sonnan 4 589 puqaraǵa  jumısqa ornalasıwı ushın jollamalar berilgen bolsa, rásmiy túrde 4 297 puqara jumısqa ornalasqan.

Jıl dawamında 1066 puqaranı kásipke oqıtıw, qayta oqıtıw boyınsha puqaralarǵa jollamalar berildi.

Sonıń menen bir qatarda, Migraciya agentligi Qaraqalpaqstan Respublikası filialı tárepinen shet mámleketlerdegi bos jumıs orınları usınıs etilip, shet eldegi jumıs beriwshi wákilleri menen 33 puqara baslanǵısh sáwbetten ótkerildi. Sáwbet nátiyjesinen kelip shıǵıp puqaralardı jumısqa jaylasıw ilajları alıp barılmaqta.

Respbulika kóleminde bul ilajdıń ótkeriliwi álbette, jumıs penen bánt bolmaǵan puqaralardıń jumısqa ornalasıp, kelesheginiń aydın bolıwın támiyinlewi sózsiz.