Өзбекстан Республикасы Саўда-санаат палатасының Қарақалпақстан Республикасы басқармасында республика аймағындағы жумыс пенен бəнт болмаған пуқаралар ушын бос жумыс орынлары мийнет ярмаркасы өткерилди.

2024-12-19

✔️Оған Қарақалпақстан Республикасы Прокуратурасының бөлим прокуроры Г.Бегжанова ҳəм Қарақалпақстан Республикасы Кəмбағаллықты қысқартыў ҳəм бəнтлик министриниң биринши орынбасары Н.Нуржанов, республика аймағындағы мəкеме-кəрхана ҳəм исбилерменлик субектлери ўәкиллери қатнасты.

🖇 Илажға республика аймағындағы 870 мəкеме-кəрханалар өзлеринде бар болған 2 780 бос жумыс орынлары менен қатнасты.

💠  Өткерилген бос жумыс орынлары мийнет ярмаркасына 180 пуқаралар соннан 64 имкəнияты шекленген пуқаралардың қатнасыўы тəмийинленди.

Ярмарка нəтийжесинде 81 пуқараға соннан 30 имкəнияты шекленген пуқараларға жумысқа жайласыўы ушын жолламалар берилип, олардан 60 пуқара ушын соннан 25 имкəнияты шекленген пуқаралар турақлы жумысқа жайластырылды.

26 пуқараға соннан 12 имкəнияты шекленген пуқараларға кəсипке қайта таярлаў ушын жоллама берилди 1 пуқара субсидия тийкарында бəнтлиги тəмийинлеўге жиберилди сондай-ақ, пуқараларға мийнет мүнəсибетлери бойынша ҳуқықый мəслəҳəт берилди.

Мағлыўмат орнында атап өтиў лазым, Қарақалпақстан Республикасы Кəмбағаллықты қысқартыў ҳəм бəнтлик министрлиги тəрепинен 2024-жыл басынан усы күнге шекем 269 мəрте бос жумыс орынлары мийнет ярмаркасын шөлкемлестирилген болып, бул өткерилген мийнет ярмаркаларына республика аймағындағы 5377 мəкеме-кəрхана, исбилерменлик субектлери 15 499  бос жумыс орынлары менен қатнасқан.

Соннан 4 589 пуқараға  жумысқа орналасыўы ушын жолламалар берилген болса, рəсмий түрде 4 297 пуқара жумысқа орналасқан.

Жыл даўамында 1066 пуқараны кəсипке оқытыў, қайта оқытыў бойынша пуқараларға жолламалар берилди.

Соның менен бир қатарда, Миграция агентлиги Қарақалпақстан Республикасы филиалы тəрепинен шет мəмлекетлердеги бос жумыс орынлары усыныс етилип, шет елдеги жумыс бериўши ўәкиллери менен 33 пуқара басланғыш сəубеттен өткерилди. Сəубет нəтийжесинен келип шығып пуқараларды жумысқа жайласыў илажлары алып барылмақта.

Респбулика көлеминде бул илаждың өткерилиўи əлбетте, жумыс пенен бəнт болмаған пуқаралардың жумысқа орналасып, келешегиниң айдын болыўын тəмийинлеўи сөзсиз.